20/06/2023 00:32 AM
Eritrea Martyrs day,
20 June 2023:
Reflections and Press Releases.
መዓልቲ ሰማእታት ኤርትራ፡ 20 ሰነ 2023
ዝኽርታትን መግለጺታትን፡
يوم شهداء إريتريا 20 يونيو 2023: تأملات وبيانات صحفية
ዝኸበርኩም ኤርትራውያን!
እነሆ እምበኣር፡ ነቲ ሃገርና ዝኸፈለቶ ኣዝዩ ረዚን መስዋእቲ ሓርበኛታት ንምዝካር ዝቖመት መዓልቲ፡ 20 ሰነ፡ ኣቲናያ ንርከብ ኣሎና።
ኣብዛ ወርሒ`ዚኣ፡ ነቶም ምሳና እናተቓለሱ ዝሓለፉ ሰማእታት እንዝክረላ፡ ንሶም ዝሓደጉልና ሕድሪን ለበዋን ገምጊምና፡ ነቲ ዘይተመልአ ዕማም፡ ምርግጋጽ ሓርነትን ራህዋን ህዝብና፡ ንምፍጻም፡ ኩሉ ዝድለ መስዋእቲ ንምኽፋል መብጽዓና እነሓድሰላን ዕለት ኢያ።
ነፍሲ-ወከፍ መዓልቲ ናይ መዋእል ቃልሲ ሓርበኛ ህዝቢ ኤርትራ፡ ካብ 1940ታት ኣትሒዙ፡ ደምን ኣዕጽምትን ስዉኣትና እተኸፍለላ ኢያ ክሳብ ግንቦት 1991 በጺሓ። ድሕሪ ምርግጋጽ ሃገራዊ ልዑላውነት ኤርትራ እንተኾነ'ውን፡ መስዋእቲ ህዝቢ ኤርትራ ኣየቋረጸን። ባዕዳዊ መግዛእቲ ካብ ሃገርና ኤርትራ ተሰጒጉ ከብቅዕ፡ ኣብዘን ዝሓለፋ ናይ 32 ዓመታት ድሕሪ ናጽነት ሃገርና፡ ህዝቢ ኤርትራ ኣይቀሰነን፡ ካብኡ ዝበኣሰ መስዋእቲ ምእንቲ ሓርነቱ ክኸፍል ይርከብ ኣሎ። እዚ ናይ ድሕሪ ናጽነት ሃገርና መስዋእቲ፡ ህዝብና ካብታ ሲኦል ኮይናቶ ዘላ ሃገሩ፡ ነብሱ ንምግልጋል፡ ወናኒ ህይወቱን ዕድሉን ንምዃን፡ ንቡር ንምድላይን ኣብ ዝገብሮ ዘሎ ጻዕሪ፡ ኣብ ውሽጢ ዓዲ ዘጋጥሞ መጭወይቲን ምስዋርን፡ ኣብ ጉዕዞ ስደቱ ዘጋጥሞ ሓደጋ ናይ ምጥሓል ኣብ ውቅያኖሳትን ሞት ኣሰቃቒ ሞት ኣብ ምድረበዳን፡ ወዘተ የጠቓልል። እቲ መስዋእቲ ኣብዚ ጥራይ ኣይተሓጽረን፡ መንእሰያትና ካብ ልዑላዊ መሬቶም ሰጊሮም ብግዲ፡ ኣብ መሬት እንዳማቶም ክዋግኡን ህይወቶም ክኸፍሉን ምርኣይ፡ ናይዘን ቀረባ 2-3 ዓመታት ተሞኩሮ፡ ምትእትታው ናብ ኢትዮጵያ ጥራይ ምጥቃስ ይኣክል። ክሳብ ሕጂ፡ ናይዚ ተገዲዱ ኣብ ኢትዮጵያ ኣትዩ ኣብ ውግእ ህይወቱ ዝሓለፈ ኤርትራዊ፡ ንኹለን ስድራቤታት ኤርትራ ኣውያትን መርድእን ይጽበየን ኣሎ። ኩሉ ህዝቢ ኤርትራ ከብዱ ሓቚፉ ብጭንቀት፡ መርድእ ክሰምዕ ከኣ ይጽበ ኣሎ።
መዓስ ኢና፡ ካብ ውግእን ወረ ውግእን ከነዕርፍ?
ዕላማ መስዋእቲ ጀጋኑና፡ ንምርግጋጽ ሓርነትን ራህዋን ህዝብና ኢዩ ነይሩ። መላእ ህዝብና፡ ከይተሾቑረረ ብሙሉእ ኣእጋሩ መሬቱ ክረግጽ፡ ዝመሰሎ ክዛረብ፡ ጎይታ ሃገሩ ክኸውን፡ ደቅናን ደቂ-ደቅናን ብቕሳነት ክነብሩን ክዕምብቡን፡ ኣብ ሃገርና ሙሉእ ራህዋ ክሰፍንን ኢዮም፡ ጀጋኑና ሓሊፎም።
ሎሚ፡ ደቂ ስዉኣትን ስድራቤታት ስዉኣትን፡ ኣበይ ኣለዉ? ኣብ ከመይ ኩነታት ይርከቡ?
እቲ ንቡር፡ ኣበይ ኣሎ? እቲ ራህዋ፡ ኣበይ ኣሎ? ሞትን ስደትን፡ ኣብቂዑ'ዶ? ፍትሒ፡ ኣበይ ኣሎ?
ኣብዘን ዝሓለፋ 32 ዓመታት ድሕሪ ናጽነት ሃገርና፡ ካብ ባዕዳዊ መግዛእቲ ዝገደደ፡ ስርዓተ ራዕዲን ምልኪን ኢዩ ነጊሱ ዘሎ። እዚ ኸኣ፡ ርኡይ ጥልመት ንሕድሪ ሰማእታትና ኢዩ። ህዝቢ ኤርትራ፡ ኣብ ትሕቲ ጨካን ምልካዊ ስርዓተ-ምሕደራ፡ እናተሾቑረረን ኣብ ትሕቲ ራዕዲን ኢዩ ዝነብር ዘሎ። እልቢ ዘይብሎም ኣርካናትና፡ መንእሰያትና፡ ምእመናንናንን መራሕቲ ሃይማኖትን፡ ብቓጻ ምስተጨውዩ፡ ብዘይ ፍትሒ፡ ኣብ ሃለዋቶም ዘይፍለጥ ቦታ፡ ተሸሪቦም ኣለዉ። ንልዕሊ 25 ዓመታት፡ መንእሰያትና ብስም "ሃገራዊ ኣገልግሎት" ኣብ መወዳእታ ዘይብሉ ጊልያነት ተቖሪኖም ይርከቡ። ብሰንኩ፡ ካብ ትምህርቶምን ሓዳሮምን ተዛናቢሎም፡ ሕልሞም ተጎናዲቡን፡ ኣብ ትሕቲ ጊልያነት ክነብሩ ተገዲዶም ኣለዉ። ዘየቋርጽ ውግእን ወረ-ውግእን፡ ኣእላፋት ህይወት መንእሰያትና ካብ ዝበልዕ፡ ዓመታት ኣቑጺሩ ኣሎ። ኣብ ዘይምልከተና ኲናት ናይ ጎረባብትና እናኣተዉ ዝቕዘፉ ዘለዉ መንእሰያትና፡ ጽባሕ መርድእ ክሳብ ዝበጽሓና፡ ህዝብና ከብዱ ሓቚፉ ኢዩ ዝርከብ ዘሎ። ከም ሳዕቤን ናይዚ ኹሉ፡ ካብ ኣብ እዋን ባዕዳዊ መግዛእቲ ኢትዮጵያ ዝተራእየ ንላዕሊ፡ ኣዝዩ ዝተዓጻጸፈ ቁጽሪ መንእሰያትና፡ ናብ እግሮም ዝመርሖም ክነፍጹ ተገዲዶም፡ ብቐጻሊ ኸኣ ኣደዳ ህልቂት ምድረበዳን ባሕሪን ይኾኑ ኣለዉ።
ሕድሪ ሰማእታትና መሊኡ ዝረጋገጽ፡ ሃገርና፡ ዓዲ ቅዋም፡ ዓዲ ሕጊን ፍትሒን ምስ እትኸውን ጥራይ ኢዩ።
ስለዚ ኩልና ኤርትራውያን፡ መብጽዓ ሰማእታትና ናይ ምትግባር ጾር፡ ኣብ ዝባንና ኢዩ ዘሎ።
ዕለተ-ሰነ መጽአት ሽምዓ ብምውላዕ ጥራይ ክንሓዝን ካብ እንነብር፡ ሓንሳብን ንሓዋሩን፡ ነቲ ንሕድሪ ሰማእታትና ከይፍጸም ዓጊቱ፡ ኣብዚ ኩሉ ሕሰም ኣውዲቑና ዘሎ ናይ ሃገርና ጨካን ምልካዊ ስርዓት፡ ሓግሒግና ክንድርብዮ ኣሎና።
ኣድማሳዊ ሰብኣዊ መሰላት (UN Universal declaration of hman rights) ከምዝድግፎ፡ ንሕና ከም ህዝቢ ኤርትራ፡ ኣብ ኩሉ መዳያት ህይወትና መሰልና ንምርግጋጽ እነካይዶ ቃልሲ፡ ፍትሓዊን ድጉፍን ኢዩ። እዚ መሰል`ዚ፡ ስዉኣትና ዝኸፈልናሉ ዕላማ ስለዝኾነ፡ ነቲ ሕድሪ ዝያዳ ዕዙዝ ይገብሮ። ነዚ ጉዕዞ`ዚ ከነዐውቶ ከኣ፡ ተሳኒናን፡ ተሓባቢርናን ክንከዶ፡ ናይ ስዉኣትና ረዚን ሕድሪ ኣብ ዝባንና ኣሎ።
ሰማእታትና ወትሩ ክንዝክረኩም ኢና!
ሕድርኹም ንምትግባር ኣይክንሕለልን ኢና!
ስኒትና.ኮም 20 ሰነ 2023
ብምቕጻል ኣምበአኣር፡ ኣብዚ ገጽ`ዚ፡ ብኣጋጣሚ ቅንያት 20 ሰነ 2023፡ ሃገራዊ መዓልቲ ሰማእታት ኤርትራ፡ ዝተፈላለዩ ዝኽርታት፡ ገምጋማትን መግለጺታትን ካብ ዝተፈላለዩ ምንጪታት ዝኣከብናዮ ከነቕርበልኩም ኢና። ትሕዝቶ ናይዚ ገጽ ዚ፡ ብቕንያቱ፡ ክውሰኾን ክህብትምን ስለዝኾነ፡ ተማላሊስኩም ክትበጽሑዎ ኸኣ ንላቦ።
ነዚ ዕለት`ዚ ዝምልከት ኣገዳሲ መግለጺ ወይ ገምጋም እንተሎኩም፡ ናብ snitna.com ክትሰዱልና ንላቦ።
Dear visitors, on this page, we will compile various memories, reflectins and press-releases, highlightig the Eritrea's Martyrs Day, 20 June 2023. We will update this page continuously, by adding more contents.
Please send us such information to snitna.com.
መዝገብ ሰማእታት ተጋድሎ ሓርነት ኤርትራ (ተሓኤ)
ELF Martyrs Archive.
ተጋድሎ ሓርነት ኤርትራ ሰውራዊ ባይቶ፡ ነሓሰ 1996
OR:
መዝገብ ሰማእታት ተጋድሎ ሓርነት ኤርትራ (ተሓኤ)
ELF Martyrs Archive.
ተጋድሎ ሓርነት ኤርትራ ሰውራዊ ባይቶ፡ ነሓሰ 1996
ምልክታ
ተጋድሎ ሓርነት ኤርትራ፡ ህይወት ወዲ ሰብ ክቡር ምዃኑ ካብ ዘለዋ ተረድኦን፡ ንስድራ ቤት ተጋደልቲ ካብ ኰለልን ድኻምን ሻቕሎትን ንምንጋፍ ካብ ዘለዋ ሓልዮት ተበጊሳ፡ ተጋዳላይ ኣብ እተሰውኣሉ እዋን ንስድራ ቤቱ ብኡ ንብኡ ምሕባር ከም ባህላ ገይራ ክትሰርሓሉ ጸኒሓ`ያ። እዚ ጥራሕ ዘይኮነ ዓቕሚ ናይ ህዝብና ድኹም ምዃኑ ስለእትርዳእ`ውን፡ ንስድራ ቤት ስዉኣት ነጋይሽ መቐበሊ ክኸውን ብማለት ቁሩብ ደገፋት ከተበርክተሎም ምጽናሓ ዝዝከር`ዩ። ስለ`ዚ፡ መብዛሕትኦም ኣብዚ መዝገብ ናይ ስዉኣት ተጠቒሶም ዝርከቡ ተጋደልቲ ስድራቤቶም ብዕሊ መስዋእቶም ኣብ ግዚኡ ዝተሓበሮም ክዀኑ ከለዉ፡ ገለ ድማ፡ እቲ ንተሓኤ ተጋጠመ ጽንኩር ኩነታት ስለዘየፍቀደ፡ መስዋእቲ ደቆም ብዕሊ በዚ መዝገብዚ ኣቢሎም ንመጀመርያ ግዜ ብዕሊ ይሕበሩ ምህላዎም ንግንዘብ ኢና። ካብዚ ብምብጋስ ድማ` ንስድራ ቤት ስዉኣት ጽንዓት ይሃብኩም እናበልና፡ ብመስዋእቲ ውላድኩም ኰርዓትን ሓበንን ክስምዓኩም ነማሕጽን። Read more
Eritrean Martyrs Day
መዓልቲ ሓርበኛታት ኤርትራ።
𝐄ri-TV: ዝኽሪ ሰማእታት 20 ሰነ 2023 | Eritrean Martyrs Day 2023
20 June 2023
𝐄𝐑𝐈𝐒𝐀𝐓: መልእኽቲ ምንቅስቓስ ይኣክል፡ ብምኽንያት መዓልቲ ሰማእታት ኤርትራ።
20 June 2023
Tv Meley: መግለጺ ውድብ ሓድነት ኤርትራውያን ንዝኽሪ ሰማእታት ኤርትራ 20 ሰነ
20 June 2023
ሕድሪ ሰማእታት፡ ዕዳ ህሉዋት እዩ።
መግለጺ ሰልፊ ዲሞክራሲ ህዝቢ ኤርትራ (EPDP)
20 June 2023
ኤርትራ ሃገርና ብመስዋእቲ ደቃን መስተንክራዊ ጽንዓት ህዝባን እያ ናጻ ኮይና። ስለዚ ኣይኮነንዶ ክንዲ ህይወት ዝኣክል ክቡር ዋጋ ንዝኸፈለ፡ ካልእ ጽቡቕ ንዝገበረልካ እውን ምምስጋን ግቡእ ስለ ዝኾነ ንሰማእታት ኤርትራ፡ “ብሳላኹም ልኡላዊ ሃገር ኮይንና ኢና እሞ፡ ክብርን መጎስን ንዘልኣለም ይኹንኩም፡ ኣብ ዘለኹምዎ ቅሰኑ፡ ሕድርኹም ከኣ ከነዐውቶ ኢና” ምባሎም፡ እንተዘይውሒድዎም ኣይበዝሖምን እዩ።
Read more:
Eri-Platform:
መልእኽቲ ኣምባሳደር ዓንደብርሃን ወልደጊዮርጊስ፡ ኣብ መዓልቲ ሰማእታት 20 ሰነ 2023።
20 June 2023
ዝኽሪ ቃልሲ ሰማእታት ንናጽነት።
ብ'ዶ/ር ተስፋይ ገብረመድህን
20 June 2023
ዝኽረ ሰማእታት፡ ይኣክል ምስ ፖለቲካውያን ሓይልታት።
25 June 2022
ቅዋማውነት፡
ራኢ ሰማእታት።
19 June 2022
ሳላሳን ሓደን ዓመታት ናጽነት'ዶ፡
ሳላሳን ሓደን ዓመታት ባርነት!
(1ይ ክፋል)
1ይ ክፋል፡ 2ይ ክፋል፡ 3ይ ክፋል፡ 4ይ ክፋል፡ 5ይ ክፋል፡
ዝኽሪ መዓልቲ ስውኣት ኤርትራ 20 ሰነ 2022 ኣብ ለንደን።
Martyrs Day 20th June 2022, London UK.
(Part-1)
ባህግና፡ Bahgna 67፡ ዜናታት፡ ሕድሮም ዝተጠልመ ስዉኣት፡
ERISAT: መግለጺ ትንሳኤ ተጋደልቲ ንቅዋማዊ ስርዓት
Eri-Platform: ዘልኣለማዊ ሓበን ንጀጋኑ ሰማእታትና!
TV-Meley: 20 ሰነ 2022
ዝኽሪ 20 ሰነ 2022 ብውድብ ሓድነት ኤርትራውያን ዞባ እስራኤል ዝተዳለወ፡
"ሰማእታትና ወትሩ እናተዘከሩ ክነብሩ 'ዮም"
Shama Baytona: ሰማእታትና ወትሩ ብግብርና ይደበሱ?
Eritrean new clip 2019 Yirgalem Fisseha ከይደ'ለኹ!
ወግዓዊ ስነ-ስርዓት ዝኽሪ ሰማእታት ኣብ መካነ-መቓብር ሓርበኛታት ኣስመራ
Martyr's Day Official wreath-laying ceremony
ERi-TV
ዝናር ጥበባት ማእከል 20 ሰነ 2022
zinar tibebat maekel Martyr's Day 2022 Special -
ERi-TV
ATV: ሕድሪ ስውኣት ጠሊምካ፡ ብስውኣትን ስድራቤቶምን ምዝራብ ዝኸፍአ ሓጥያት’ዩ -
ጽላል ካብ ሕቡራት መንግስታት ኣመሪካ
ERITV Program 20 June 2020
See also Related / ምስዚ ዝተኣሳሰር ሓበሬታ፡-
- Snitna YouTube - ስኒትና ዩቱብ ቻነል።
- Snitna Network and Sinit Seminars Directory. ብ`ስኒትና ከምኡ`ውን ስኒት ዝተኻየዱ ሰሚናራት።
- Snitna FaceBook - ስኒትና ፌስቡክ።
- Sinit YouTube - ስኒት ዩቱብ ቻነል።
- ዘተ ንሓባራዊ ንቕሓት
Dialogue for Common Awareness
مجموعة الحوار للوعي المشترك - ሌላ ምስ
ፖለቲካዊ ሰልፍታትን ህዝባዊ ምንቅስቓሳትን ኤርትራ፡
Eritrean Political parties and Civic movements.s
مقدمة في الأحزاب السياسية والحركات المدنية الإريترية - ኣስተምህሮ፡ መስርሕ ምንዳፍ ቅዋም ኤርትራ - The Eritrean Constitution Making Process
Seminar by Dr Bereket Habte selassie. ኣስተምህሮ፡ ብ`ዶር. በረኸት ሃብተስላሰ። - ሲምፖዝዩም ኤርትራ (Eri-Platform: 2018 - 2020)
- ዋዕላ ህንጸት ዲሞክራሲ ኣብ ኤርትራ Building Democracy in Eritrea Conference (Eritrea Focus: 2019 - 2020)
- Enough is enough! ይኣክል ምልኪ! ማዕበል ድምጺ ህዝቢ لقد طفح الكيل
- A Look Back on Eritrea’s Historic 1993 Referendum, BY FIKREJESUS AMHAZION (PhD)
ታሪኻዊ ውጽኢት ረፈረንዱም ኤርትራ 1993 ብፍቕረየሱስ ኣምሃጽዮን (ዶ/ር)) (TesfaNews APRIL 23, 2018). - ሃገራዊ ቻርተር ኤርትራ - ኣብ 3ይ ጉባኤ ህ.ግ.ሓ.ኤ: ዝጸደቐ (ናቕፋ 10 - 16 ለካቲት 1994)።
- PFDJ NATIONAL CHARTER Adopted by the 3rd Congress of the EPLF/PFDJ Naqfa, February 10-16, 1994.
- ንዝኽሪ ግዳያት ዲክታቶሪያዊ ምሕደራ ኤርትራ። In memory of Victims of Dictatorial Administration in Eritrea.
- G-15:- ቅልዕቲ ወረቐት ናብ ህዝቢ ኤርትራ፡ ኣገደስቲ እዋናውያን ጉዳያት፡ (ኣስመራ፡ ነሓሰ 3፡ 2001)
- G-15:-Open Letter To The People of Eritrea (Asmara, August 3, 2001)
- G-15:-ቅሉዕ መልእኽቲ ናብ ኩሎም ኣባላት ህግደፍ
- G-15:-Open Letter to All PFDJ Members (Audio) ቅሉዕ መልእኽቲ ናብ ኩሎም ኣባላት ህግደፍ (ብድምጺ)
- G-15:-Open Letter to All PFDJ Members
- GI: ህጹጽ ጻውዒት ንኹሎም ኣብ መላእ ኵርናዓት ዓለም ዝርከቡ ኤርትራውያን። An Urgent Call to All Eritreans Worldwide. المبادرة العالمية لتمكين الحركة الشعبية الاريترية
- ድምጽና (Our Voice)
- መደብ ንጋባእ ENGAGE ERITREA!
- Advice for All Eritreans ምኽሪ ንኹሎም ኤርትራውያን
- Human Rights in Eritrea / ኩነታት ሰብኣዊ መሰላት ኣብ ኤርትራ፡
- UN - Commission of inquiry on Eritrea / ናይ ውሕሃ መርማሪት ኮሚሽን ሰብኣዊ መሰላት ኤርትራ፡
- Mike Smith / ሚስተር ማይክ ስሚዝ፡ ኣቦ ወንበር መርማሪት ኮሚሽን ሰብኣዊ መሰላት ኤርትራ፡
- Also see: "UN - COI on Eritrea / ናይ ውሕሃ መርማሪት ኮሚሽን ሰብኣዊ መሰላት ኤርትራ፡
- UN COMMISSION OF INQUIRY ERITREA (COI-ERITREA) And POPULAR RESPONSES
- ጸብጻብ መርማሪት ኮሚሽን ሰብኣዊ መሰላት ኤርትራ፡ ህዝባዊ ግብረ-መልሲን
- ጸብጻብ መርማሪት ኮምሽን ኵነታት ሰብኣዊ መሰላት ኣብ ኤርትራ – ዘይወግዓዊ ትርጉም (ብትግርኛ)