ጋዜጣዊ መግለጺ ኮሚሽን ምዝገባን ምርጫን
ንምቛም ሓደ ኤርትራዊ ሃገራዊ ሓይሊ
25 September 2025

The Registration and Election Commission, Pressrelease, 25 September 2025: for One National Force, for salvation and democratic change.

ጋዜጣዊ መግለጺ ኮሚሽን ምዝገባን ምርጫን፡
ንምቛም ሓደ ኤርትራዊ ሃገራዊ ሓይሊ፡ 25 መስከረም 2025።

ኣብ’ቲ ካብ ኩሉ ክፍለ-ዓለም ተቓለስቲ ንፍትሒ ዝተሳተፍዎ ታሪኻዊ ዋዕላ ናይ 30 ነሓሰ 2025፡ ብደሞክራስያዊ ኣጋባብ ኮሚሽን ምዝገባን ምርጫን ምቛማ ዝዝከር ኢዩ። ምቛም ናይ’ዛ ኮሚሽን ኣብ’ዚ ሃገርናን ህዝቢናን ከቢድ ናይ ህልውናን ጽንተትን ሓደጋ ኣንጸላልይዎ ዘለወሉ እዋን ምዃኑ ዝያዳ ሓላፍነት ዘሰክምን ህጹጽነት ዝጠልብን ጉዳይ ምዃኑ ንኹሉ ብሩህ ኢዩ። ኣብ መስርሕ ምቛም ሓደ ኤርትራዊ ሃገራዊ ሓይሊ፤ ምስረታ ኮሚሽን ምዝገባን ምርጫን ኣገዳሲ ታሪኻዊ ምዕራፍ እዩ። እዚ ናይ ምዝገባን ምርጫን ዕማማት ኣብ ዝሓጸረ ግዜ ብምስልሳል፣ ሓደ ድልዱል ሃገራዊ ሓይሊ ብምትካል ቅቡልነትን መዝነትን ዘለዎ መሪሕነትን ብምፍጣር፤ ኩሉ ሃገራዊ ዓቕምታትና ኣብ ህጹጽ ድሕነት ህዝብን ሃገርን ከነውዕሎን፣ ኣህጉራዊ ተቐባልነትና ንከነረጋግጽን ከም ዘኽእለና ብሩህ እዩ።

ቃልስና ብመሰረቱ ሕግን ፍትሕን ሰላምን ርግኣትን ንምስፋን ስለዝኾነ፤ ኣብዚ መድረኽ እዚ፣ ናይ ጽፉፍ ምሕደራን ፍትሓዊ ኣካይዳን ኣገባባት፣ ብዕቱብ ክስራሓሎም ኣለዎ። ብምልኣት ንምዕዋቶም ድማ፣ ሰፊሕ ተቓላሳይ ህዝብና ከም ዋኒኑ ክሕዞምን፣ ተሳትፎኡ ብምዕዛዝ ክትግብሮምን ይግባእ። ናይ ኣፈርክቡ ሃለዋት ህዝብናን ሃገርናን ኣብ ጸብጻብ ብምእታው፣ ኮምሽን ኣድላይነት ቀጻሊ እዋናዊ ሓበረታን፣ ብግሉጽነትን ተሓታትነትን ምስራሕን ከም ግቡኣ ገይራ ትወስዶ። በዚ መሰረት ኮሚሽን ብቐጻሊ ተካይዶም ዘላ ንጥፈታትን ናይ ስራሕ መደባትን ከም’ዚ ዝስዕብ ተቕርብ፦

ባህሉን ሃይማኖቱን ዘየኽብር ሕብረተሰብ ጥዑይ ፖለቲካ ክሰርሕ ይኽእል ድዩ? KMZ 26 Oct 2025

ብመሰረት ኣብ ዋዕላ ዝጸደቐ መምርሒ ኮሚሽን ምዝገባን ምርጫን፤ ውሽጣዊ መምርሒን ናይ ስራሕ ክፍፍልን ዘብርህን ተግባራዊነት ዘነጽርን ሰነድ ኣጽዲቓ። ብቐጥታ ናብ ስራሕ ብምእታው ሰለስተ ቀዳምነታት፡ ማለት ናይ ሰነድን መዝገብን፡ ናይ ጐስጓስን ምዝገባን፡ ናይ ፋይናንስ ጋንታታት ብምቛምን፤ ናይ ነፍስወከፍ ጋንታ ኣዋሃሃዲን ተሓጋጋዚን ብምምዳብን ውሽጣዊ ስርርዕን ናይ ስራሕ ክፍፍልን ኣካይዳ። በዚ መሰረት ከኣ 5 ዝኣባላታ ኣካያዲት ኣካል መዚዛ። ንኣገባብ ኣሰራርሓኣ ብዝምልከት ከኣ፡ ኩሉ ኣባል ኮሚሽን ነቲ ዝጽበያ ዘሎ ዕማማት ኣብ ዘድማዓሉ መዳይ ክሳተፎን ክዓሞን ወሲና።

ነዚ ይጽነሓለይ ዘይበሃል ምቛም ሓደ ኤርትራዊ ሃገራዊ ሓይሊ ንምቅልጣፍ፤ ኮሚሽን ምዝገባን ምርጫን ሰሙናዊ ምዱብ ኣኼባን ከም ኣድላይነቱ ተወሳኺ እንዳተራኸበት ነቲ ዕማማት ከተቀላጥፎ ተጊሃ ትጽዕር ኣላ። ነቲ ክሳብ ሕጂ ተበጺሑ ዘሎ ክንሕብር እንከለና፤ ብዘይ ምሉእ ተሳትፎ ህዝብና ክዕወት ስለ ዘይክእል፤ ወሳኒ ግዴና ክንገብርን ዋናታት ናይ ድሕነት ህዝብናን ሃገርናን ክንከውን ጽንኩር መድረኽ ይጽበየና ኣሎ። ስለዝኾነ ድማ፣ ኩሉ ተቓላሳይ ንፍትሒን ነዚ ተጀሚሩ ዘሎ ትስፉው መስርሕ ምቛም ሓደ ሃገራዊ ሓይሊ፡ ልዑል ደገፍ ክገብርን፤ ሸቶታቱ ንምዕዋት ምሉእ ተሳትፎ ከረጋግጽን ኮሚሽን ብዓቢ ፍናን ትጽውዕ።

ኮሚሽን ምዝገባን ምርጫን ከኣ ነዚ ሃገራዊ ዕላማ ንምዕዋት ብተወፋይነትን ግሉጽነትን፡ ቀዳምነታታ ሓንጺጻ ኣብ ሓጺር እዋን ኣብ ተግባር ምእታዋ ዘተኣማምንን ትስፉው መጻኢ ዝእንፍትን ምዃኑ ክተባባዕ ዝግባእ ስራሕ’ዩ።

ኣብ መደምደምታ ኩሎም ተቓለስቲ ንፍትሒ ዜጋታትን ፖለቲካዊ/ሲቪካዊ ትካላቶምን፣ ኩሉ ዓቕምታቶም ጠርኒፎም ብሓደ ድምጽን ቃናን ክሰርሑን፣ ብዙሕነት ሕብረተሰብ ኤርትራ ዘንጸባርቕ - ሓደ ሃገራዊ ሓይሊ ብምቛም - ብስትራተጂካዊ ቃልሲ ንምልካዊ ስርዓት ህግደፍ ብምእላይ፡ ድሕነት ህዝብን ሃገርን ከነረጋግጽ እዋኑ ሕጂ ስለ ዝዀነ ኩሉና ክንዓስሎ ንጽውዕ።

ዓወት ንፍትሓዊ ቃልሲ ህዝቢ ኤርትራ

ድሕነት ሃገርን ህዝብን ቅድሚ ኩሉ

ክብርን ሞገስን ንጀጋኑ ስዉኣትና

25 መስከረም 2025

Read in PDF Here.

ጋዜጣዊ መግለጽን ቃለ መሕትት ምስ ኣስሄል ብጹአኣምላክ

See also more articles by
ካልኦት ኣቐዲሞም ዝወጹ ጽሑፋትን ሰሚናራትን ኣብ ታሕቲ ተወከሱ:-

Global Policy / መትከላት

Snitna: Code of Conduct — መርበብ ሓበሬታና ዝምራሓሉ መትከላት

ስኒትና.ኮም (www.snitna.com)፡ ነቲ ኣብ 1936 ዝወጸ መትከላት ጋዜጠኝነት (UK and Irish journalism): ከምኡውን ንመትከላት ሃገራዊ ማሕበር ጋዜጠኛታት (National Union of Journalists (NUJ)፡ የኽብር። Snitna Policy Code Asset Logo ብተወሳኺ፡ ነቲ ኣብ ዩቱብ ቻነል ዝወጽእ ሓበሬታ፡ ንመትከላት ማሕበራዊ መትከላት ዩቱብ (YouTube Community Guidelines)፡ እናኽበረ የውጽእ። ስኒትና፡ ብዝከኣሎ መጠን፡ ነዚ መትከላት'ዚን ናይ ሃገርና ኤርትራን ህዝባን ክዉንነትን ምርኩስ ገይሩ፡ ኣብ መርበብ ሓበሬታኡ ስኒትና (www.snitna.com) ክውጽእ ዝግብኦ ሓበሬታ እናመመየ ከውጽእ ይህቅንን ይጽዕርን። እዚ ስራሕዚ ምሉእ ዓወት ንክህልዎ ድማ ብዓቢኡ፡ ግቡእ ኣጠቓቕማ ተሳተፍቲን ምትሕብባርን ምስዝህሉ ኢዩ። ስለዚ፡ ነዚ መትከላት ዚ ንምኽባር ንኹሉ ተገልጋላይ'ዚ መርበብዚ ንጽውዕ። ዝኾነ ሃሳዪ ተርእዮታት ምስዘጋጥሙ፡ ቅሬታኹም ወይ ርእይቶኹም ብኢመይል ኣድራሻና ኣቢልኩም ክትልእኩልና ንላቦ። Read more

See also Related / ምስዚ ዝተኣሳሰር ሓበሬታ፡-

ጋዜጣዊ መግለጺ ኮሚሽን ምዝገባን ምርጫን ንምቛም ሓደ ኤርትራዊ ሃገራዊ ሓይሊ 25 September 2025

The Registration and Election Commission, Pressrelease, 25 September 2025: for One National Force, for salvation and democratic change.

Snitna: Code of Conduct — መርበብ ሓበሬታና ዝምራሓሉ መትከላት

ጋዜጣዊ መግለጺ ኮሚሽን ምዝገባን ምርጫን
ንምቛም ሓደ ኤርትራዊ ሃገራዊ ሓይሊ
25 September 2025