24/05/2026 00:10 AM
ዮሃና መበል 35 ዕለተ-ናጽነት ኤርትራ!
Happy 35th Independence Day, Eritrea!
عيد استقلال سعيد لإريتريا، الذكرى الخامسة والثلاثون لاستقلالها
ጻውዒት፡ ንሓቀኛ ክብርን ትርጉም ን30 ዓመታት እተኻየደ ቃልሲ ህዝቢ ኤርትራ፡ ንምምላእ፡- ግዝኣተ ሕጊ፡ ሃገራዊ ዕርቅን ኩለንተናዊ-ዳግመ-ህንጸትን
The True Meaning of Eritrea’s 30-Year Struggle: A Call for Rule of Law, Reconciliation, and Rebuilding National Soft Power
المعنى الحقيقي لنضال إريتريا الممتد لثلاثين عاماً: دعوة لسيادة القانون، والمصالحة، وإعادة بناء القوة الناعمة الوطنية
Memories and Reflections. ዝኽርታትን ገምጋማትን ذكريات وتأملات
መልእኽቲ ብኣጋጣሚ መበል 35 ዓመተ-ናጽነት ኤርትራ፡ ብስኒትና.ኮም
24 May 2026.
Eritrea 35th Independence Day Message, by snitna.com
24 May 2026.
ዝኽርታትን ገምጋማትን ብኣጋጣሚ መበል 35 ዕለተ-ናጽነት ኤርትራ።
Memories and Reflections on the occasion of the 35th Eritrea's Independence Day.
ذكريات وتأملات بمناسبة الذكرى الخامسة والثلاثين لاستقلال إريتريا.
ጻውዒት፡ ንሓቀኛ ክብርን ትርጉም ን30 ዓመታት እተኻየደ ቃልሲ ህዝቢ ኤርትራ ንምምላእ፡- ግዝኣተ ሕጊ፡ ሃገራዊ ዕርቅን ኩለንተናዊ-ዳግመ-ህንጸትን
ዝኸበርካ ደላይ ፍትሒ ህዝቢ ኤርትራ!
ዓመት መጽአ፡ ብ24 ግንቦት፡ ኣብ መላእ ዓለም እንርከብ ኤርትራውያን ንመዓልቲ ናጽነትና ብሓበን፡ ብሓዘንን ብኣስተንትኖን ኢና ንዝክራ። ሎም-ዘበን ንሃገራዊ መዓልቲ ናጽነትና ኣብ ነብዕለሉ ዘሎና እዋን፡ ዞባና፡ መመሊሱ ብዝብእስ ዘይምርግጋእ ይሕመስ ኣሎ። እቲ ብኸቢድ ዋጋ ዝረኸብናዮ ልዑላውነት ኤርትራ ድማ፡ ብሰንኪ ኣስፋሕፋሒ ህርፋን ስርዓት ኢትዮጵያን መሻርኽቱን፡ ስግኣት የንጸላልወና ኣሎ። ኣብ ውሽጢ ሃገርና ዘሎ ብኩራት ግዝኣተ-ሕጊ ምስ ምልካዊ ምሕደራ ተደሚሩ፡ ኤርትራውያን ዜጋታት ኣብ ጉዳይ ሃገሮም ዘለዎም ድምጺ ብምዕባሱን፡ ንሃገርና ተወሳኺ ሓደጋ ኮይኑ፡ ናብ ቅሉዕነት ኣውሪዱዋ ይርከብ።
ናጽነት ኤርትራ፡ ብግዳማዊያን ሓይልታት ወይ ብፖለቲካዊ ልዝብ ዝተመጠወና ህያብ ኣይኮነን። እንታይ ድኣ፡ ኣብ ታሪኽ ኣህጉር ኣፍሪቃ፡ ሓደ ካብቶም ኣዝዮም ነዋሕትን ከቢድ መስዋእቲ እተኸፍሎምን ሓርነታዊ ቃልሲ ስለዘካየድና ኢዩ። ዓሰርተታት ኣሽሓት ተጋደልትን ኣማኢት ኣሽሓት ሰላማዊያን ህዝብናን፡ ህይወቶም በጅዮም ኢዮም። ኤርትራውያን ስድራቤታት፡ ክትግምቶ ዘጸግም ከቢድ መከራን ስቓይን ኣሕሊፎም። ሙሉእ ሕብረተሰብና ድማ፡ ምእንቲ ናጽነትን ሰብኣዊ ክብርን ብዝነበሮ ባህጊ፡ ተወፍዩ ተቓሊሱ።
ንሕና ኤርትራውያን ንሰላሳ ዓመታት ክንቃለስ ዝተገደድናሉ ቀንዲ ምኽንያት፡ ባንዴራ ንምስቃል ወይ መሬታዊ ልዑላውነት ንምርግጋጽ ጥራይ ኣይነበረን። ቃልስና ብመሰረቱ፡ ፍትሒ ንምርግጋጽ፡ ሰብኣዊ-ክብሪ ንምሕላው፡ ርእሰ-ውሳኔና ንምኽባር፡ ኣብ ትሕቲ ግዝኣተ ሕጊ ነብስና ብማዕርነት ንከነማሓድርን፡ መሰል ንክህልወና ኢዩ ነይሩ። ሰማእታትና ሂወቶም ዝኸፈሉሉ፡ ህዝቦም ድምጹ ክዕበስ፡ ብፍርሒ ክሹቕረርን ብዘይ ሕጊ ክምቋሕን፡ ተሓታትነት ብዘይብሉ ስርዓት ንክማሓደሩ፡ ኣይነበረን። ዕላማ ቃልሶም፡ መጻኢ ወለዶታት፡ ብናጽነትን ሰላምን፡ ኣብ ትሕቲ ሒጊን ሕጋውነትን ኣጽሊሎም፡ ብቕሳነት ንክነብሩ ኢዩ ነይሩ።
ኣገዳስነት፡ ካብ ፖለቲካዊ ሻርነት ምውጻእ
ኣብዚ ዘሎናዮ እዋን፡ ኣብ ውሽጢ ሃገር ይኹን ኣብ ስደት (ዲያስፖራ) ዘሎና ኤርትራውያን፡ ኣዚና ተመቓቒልና ኢና ንርከብ ዘሎና። እቲ ብጉዳይ ባንዴራ፡ ቅዋም 1997፡ ጉጅለ 15 (G-15)፡ ከምኡ’ውን ዝተጨውዩ ጋዜጠኛታት ዝግበር ዘሎ ክትዓት፡ ኣብ ክንዲ መሳርሒ ንሃገራዊ ዕርቅን ህንጸትን ዝኸውን፡ ምልክት ናይ ፖለቲካዊ ምክፍፋል ኮይኑ ይርከብ። እዞም ጉዳያት እዚኦም ኣገደስቲን ዕሽሽ ክበሃሉ ዘይግብኦምን እካ እንተኾኑ፡ ብጸቢብ ፖለቲካዊ ሻርነት ጥራይ ኣጉሊሕና ብምርኣይ፡ ከም ህዝቢ ንከፋፈልን፡ ኣብ ዝዓበየ ሃገራዊ ዕላማና ክንዓስል ክንዲ ምጽዓር፡ ካብኡ ነላግስን፡ በዚ ኸኣ ከይተፈለጠና፡ ነቲ ዘሎ ምልካዊ ስርዓት ከምዝሕይል ኢና ንገብሮ ዘሎና።
እቲ ሎሚ ንኤርትራ ኣጋጢሙዋ ዘሎ ዓቢ ብድሆ፡ ካብ ሓደ ፖለቲካዊ ጽግዒ ምዃንን ዘይምዃንን ንላዕሊ ኢዩ። ንሱ ድማ፡ ንኹሎም ኤርትራውያን ብዘይ ፍልልይ ፖለቲካዊ ርእይቶ፡ ሃይማኖት፡ ብሄር ወይ ታሪኻዊ ድሕረ-ባይታ፡ ብማዕረ ዘዕቁቦም፡ ልዑላውነት ሕጊ ዘውሕስ ትካል፡ ዘይምህላዉ ኢዩ። ኣብ መንጎ ኤርትራውያን ሓድሕዳዊ ምትእምማን ከይተሃንጸ ኸኣ ዝኾነ ይኹን፡ ቅዋም፡ ፖለቲካዊ ምንቅስቓስ ወይ መሰረታዊ ክትዓት ምክያድን፡ ጠማሪ ለውጢ ምምጻእን፡ ኣይከኣልን።
እቲ ተኣጊዱ ዘሎ ቅዋም 1997፡ እቲ ክሳብ ሕጂ መዕለቢ ዘይረኸበ፡ ምስዋር ሰበ-ስልጣን ጂ-15 (G-15)ን ከምኡ'ውን ጋዜጠኛታትን፡ ኣብ ሃገርና ዘሎ ስርዓት ካብ ተሓታትነ ሕጊ ከምዝረሓቐ ዘመልክቱ፡ ኣቐንዘውቲ ጉዳያት ኢዮም። ይኹን እምበር፡ እዞም ሃገራዊ ስምብራታት እዚኦም፡ ናይ ዕርቅን ሓባራዊ ስምዒትን መሰረት ክኾኑ ኣለዎም እምበር፡ ንኤርትራውያን ናብ ናይ ተቓወምቲን ደገፍትን ደምበታት ዝመቓቕሉ፡ ክኾኑ ኣይግባእን። ሓደ ህዝቢ፡ ሓባራዊ ታሪኹን ጸገሙን ዕሽሽ ኢሉ፡ ንሓድሕዱ ብፖለቲካዊ መርገጺታት ዝፈላለ እንተኾይኑ፡ ንቕድሚት ክስጉም ኣይኽእልን ኢዩ።
ቅልውላው ናይ እተባሕጎገ ሃገራዊ ባህሊ
እቲ ኣብ ውሽጢ ሃገር ዘሎ ህዝብና፡ ብዓቢ ሕሰም ኢዩ ዝሓልፍ ዘሎ። ስድራቤታት፡ ብሰንኪ ደረት-ኣልቦ ሃገራዊ ኣገልግሎት፡ ቁጠባዊ ተነጽሎ፡ ግዱድ ስደትን ፍርሕን፡ ተበታቲነን ይርከባ። ብኣንጻሩ ድማ፡ እቶም ኣብ ስደት ዘሎና ሚልዮናት ኤርትራውያን፡ ነቲ ሃገራዊ ንቕሓትን ሃገራዊ ሓድነትን ንምህናጽ፡ ብኣወንታ ክንጥቀመሉ ዘኽእለና ጸጋታትን ዕድላትን፡ ኣብ ኢድና ይርከብ።
ከምዚ ኢሉ ከሎ፡ ኤርትራ ካልእ ስዉር ቅልውላው ኣጋጢሙዋ ይርከብ። ንሱ ድማ፡ እቲ ዝነበራ ሃገራዊ ባህሊ (Soft Power)፡ እናተባሕጎገ ይኸይድ ምህላዉ ኢዩ። ኣብ እዋን ሓርነታዊ ቃልሲ፡ ኤርትራውያን፡ ብጽንዓትና፡ ስነ-ስርዓትና፡ ሓድነትና፡ ርእሰ-ምርኮሳናን ሃገራዊ ስምዒትናን፡ ኣብ መላእ ዓለም፡ ክብርን ኣድንቖትን ዝፈጠረ መለለይና ባህርያት ኢዮም ነይሮም። እቶም ኣብ ወጻኢ ዝነበርና ኤርትራውያን ማሕበረሰባት እውን፡ በቲ ጽኑዕ ማሕበራዊ ምትእስሳርና፡ ናይ ትምህርቲ ድሌትና፡ ኣብ ባህልና ዝነበረና ሓበንን፡ ኣብ ሞንጎ ሓድሕድና ዝነበረና ሓልዮትን ምድግጋፍን፡ ኣድንቖት ዘሕደርና ህዝቢ ኢና ኔርና። ሎሚ ግን፡ ብሰንኪ’ቲ ንዓመታት ዝቐጸለ ፖለቲካዊ ምፍልላይ፡ ዘይምትእምማን፡ ብምልካዊ ስርዓት ዝወርድ ስግረ-ሃገራዊ መጽቀጥቲን፡ ንሱ ዘስዓቦ ውሽጣዊ ምክፍፋልን፡ ነቲ ዝነበረና ስነ-ምግባራውን ማሕበራውን ጽልዋ፡ ኣዳኺሙዎ ይርከብ።
ስለዚ፡ ሃገራዊ ባህልናን ፖለቲካናን፡ ዳግም ምህናጽ፡ ንሃገራዊ ሕውየት፡ ኣገዳሲ ይገብሮ። መዐቀኒ ሓደ ሃገራዊ ሓይሊ፡- ብወተሃደራዊ ዓቕሚ ወይ ብፖለቲካዊ ቁጽጽር ጥራይ ዘይኮነስ፡ ኣብ ህዝብና፡ ሓድሕድ ምትእምማን ዝኹስኩስ፡ ኽብርታትና ዝሕሉ፡ መሃዝነት ዘተባብዕ፡ ሓድነት ዝፈጥር፡ ከምኡ ውን ንሃገራዊ ኽብሪ ኣብ ትሕቲ ልዑላውነት ሕጊ ዝሰርሕ፡ ዓቕሚ ዘለዎ፡ ምስ ዝኸውን ኢዩ። ኤርትራ መጻኢኣ ዳግም ክትሃንጽ እትኽእል፡ ንሕና ኤርትራውያን፡ ንክብርታትና፡ ሓድሕድ ምትሕልላይና፡ ሓባራዊ ዘተና፡ በርጌሳዊ ሓላፍነትናን ንሓድሕድና ዘሎና ምክብባርን፡ ዳግም ክንሃንጾ ምስ እንኽእል ጥራይ ኢዩ።
ሓላፍነት ናይቶም ኣብ ስደት (ዲያስፖራ) ዘሎና ህዝቢ
እቶም ኣብ ስደት (ዲያስፖራ) ዘሎና ኤርትራውያን፡ ለውጢ ንምምጻእ ኣብ ዝግበር ጻዕሪ፡ ኣገዳሲ ኣቀላጣፊ ኣበርክቶ ክህልወና ይኽእል ኢዩ። እቶም፡ ንዲሞክራስያዊ ትካላት፡ ስቪካዊ ማሕበራት፡ ልዑላውነት ሕጊ ከምኡ’ውን ናጽነት ሓሳብካ ምግላጽ፡ ዘስተማቐርና ኣብ ስደት (ዲያስፖራ) ንነብር ዘሎና ኤርትራውያን፡ ኣብ መንጎ ህዝብና፡ ባህሊ ናይ ዕርቂ፡ ሰላማዊን ስልጡን ምብህሃልን፡ ኣብ ምትብባዕን ምኹስኳስን፡ ፍሉይ ኣበርክቶ ክንገብር ንኽእል ኢና።
ይኹን እምበር፡ እዚ ሓላፍነት እዚ፡ ብፖለቲካዊ ምጽራር፡ ብናይ ሓሳበይ ሓሳብካ ይበልጽ፡ ወይ ብናይ ማሕበራዊ መራኸቢታት ምስሕሓብ ጥራይ ክፍጸም ኣይኽእልን ኢዩ። ኣበርክቶ ናይ ኣብ ዲያስፖራ ዘሎና ኤርትራውያን ውጽኢታዊ ክኸውን ዝኽእል፡- ብጽሞና ምስማዕ ምስ እንኽእል፡ ኣዕሚቕና ክንርዳእ ምስ እንኽእል፡ ከምኡ’ውን ምስቲ ኣብ ውሽጢ ሃገር ዘሎ ትርግታ ልቢ ህዝብና ዝሳነ፡ ምትእስሳር ክንፈጥር ምስ እንኽእል ኢዩ። ኣብ ትሕቲ ከቢድ ኩነታት ናይ ዕለታዊ ፍርሒ ዝነብር ዘሎ ህዝብና፡ ባህጊ ናይ ህዝብና፡ ቃልሲ ህዝብና፡ ኣብ ህዝብና ዘሎ ናብራ፡ ብግቡእ እንተ-ዘይተገንዚብናዮ፡ ብዘይ ናቶም መረዳእታን ተቐባልነትን፡ ካብ ደገ ዝመጽእ ለውጢ ክትግበር ኣይከኣልን ኢዩ።
መብዛሕትኡ ኣብ ውሽጢ ሃገር ዘሎ ህዝብና፡ ካብ ናይ ፖለቲካ ጭርሖታትን ወጻኢ ምፍልላይን ንላዕሊ፡ ንርግኣትን ጸጥታን፡ ቐጻልነት ህይወቱ፡ ሰብኣዊ ኽብሩን፡ ንዘገምታዊ ለውጥን፡ እዩ ቀዳምነት ዝህብ። በዚ ምኽንያት እዚ፡ እቶም ኣብ ወጻኢ ዘሎና ኤርትራውያን፡ ኣብ ክንዲ ዘይምትእምማንን ምክፍፋልን ምፍጣር፡ ምትእምማን ኣብ ምህናጽ፡ ሰብኣዊ ምትእስሳር ኣብ ምህናጽን ምስፋሕን፡ ልዕልና ሕጊ ኣብ ምኽባርን፡ ከነተኩር ይግባእ። ብፍላይ ኤርትራውያን መንእሰያት፡ ታሪኽ መስዋእቲ ሓርነታዊ ቃልሲ ምፍላጥ ጥራይ ዘይኮነስ፡ ነቲ ቃልሲ ዘበገሶ ዲሞክራስያዊ ራእይን፡ ናይ ማሕበራዊ ፍትሒ ክብርታትን፡ እውን ብግቡእ ክፈልጡዎ ኣለዎም።
እቲ ቅኑዕ መዋጽኦ፦ ግዝኣተ ሕጊ፡ ምርግጋጽ
ሓቀኛ ዕርቂ ዝጅምር፡ ኩሎም ኤርትራውያን ፍልልያቶም ብዘየገድስ፡ ንዓሰርተታት ዓመታት ዝቐጸለ፡ ከቢድ ጾር ናይ፡- ፍርሒ፡ ሓድሕድ ዘይምትእምማን፡ ውግእን ምፍልላይን፡ ከም ዘሕለፉ ግቡእ ኣፍልጦ ብምሃብን ብምኽሓስን ኢዩ። ቅኑዕ ሃገራዊ ዕርቂ ንምርግጋጽ፡- ሓድሕድ ምስምማዕ፡ ኣብ ኩሎም ወገናት ህዝብና ዘሎ ስቓይ ኣፍልጦ ምሃብ፡ ከምኡ’ውን ኣብ መጻኢት ኤርትራ፡ ዝኾነ ኤርትራዊ፡ ብሰንኪ ዘለዎ ፖለቲካዊ እምነት ወይ ዝነበሮ ታሪኻዊ ውደባ፡ ፍትሒ ከም ዘይንፈጎ ዘረጋግጽ፡ ስርዓት ንምምጻእ መብጽዓ ምእታው፡ ይጠልብ።
እቲ ንቕድሚት ዝወስድ መንገዲ፡ ቀጻሊ ዳግመ-ህንጸት ናይ በርጌሳዊ ምትእምማንን፡ ኣብ ተሓታትነትን ማዕርነት ኣብ ትሕቲ-ሕጊ ዝተሰረቱ ትካላትን ይሓትት። ግዝኣተ ሕጊ ማለት፡ ዝኾነ ውልቀሰብ፡ ወተሃደራዊ ትካል፡ ፖለቲካዊ ውድብ ወይ መንግስታዊ በዓል-ስልጣን፡ ካብ መሰላት ናይ ህዝቢ ንላዕሊ ኣይኮነን፡ ማለት ኢዩ። እዚ ማለት ከኣ፡- ናጻ ኣብያተ-ፍርዲ፡ ግሉጽ ምሕደራ፡ ምዕቃብ ሰብኣዊ መሰላት፡ ናጽነት ሓሳብካ ምግላጽ፡ ከምኡ’ውን ንነፍሲ-ወከፍ ዜጋ ዝወሃብ፡ ግቡእ ሕጋዊ መስርሕ፡ ማለት ኢዩ። እዚ ማለት፡ ልዕሊ ኹሉ፡ ንኹሉም ኤርትራውያን ብማዕርነት፡ ሕነ ምፍዳይን ኣግላልነትን ዘይብሉ፡ ፍትሒ ምርግጋጽ፡ ማለት ኢዩ።
መጻኢት ኤርትራ፡ ብጽልኢ፡ ሕነ ብምፍዳይ ወይ ብኮነ ኢልካ ዝግበር ምፍልላይ፡ ክንሃንጻ ኣይንኽእልን ኢና። ነባሪ ለውጢ ኣብ ሃገርና ከነምጽእ እንኽእል፡ ንሕና ኤርትራውያን ንቀንዲ ዕላማታት ናይ 30 ዓመታት ቃልስና፡ ተመሊስና ክንግንዘቦ ምስ እንኽእል ኢዩ። ዕላማ ቃልስና፦ ኤርትራውያን ዜጋታት፡ ብኽብሪ፡ ብሓርነት፡ ብፍትሒን ብሰላምን፡ ዝነብሩላ ሃገር ንምምስራት ኢዩ ነይሩ።
ከም ኤርትራውያን ብዛዕባ ናጽነት ክንሓስብ ከሎና፡ ኣተኩሮና ኣብ ዝሓለፉ ዓወታትን ወይ ፖለቲካዊ ምልክታት ጥራይ ክኸውን የብሉን። ነቲ ገና ዘይተረጋገጸ ሓርነት ህዝብና፡ ዝነበረ ናይ ቃልስና ዕላማታትን ሕድሪን፡ ክንዝክር ይግባእ። መስዋእቲ ጀጋኑና፡- ንኹልና ኤርትራውያን፡ ኣብ ውሽጢ ሃገርን ኣብ ስደትን ዘሎና፡ ብመንገዲ ዕርቂ ክንጓዓዝ፡ ሃገራዊ ሓድነትና ክመልስ፡ ነቲ ዝተባሕጎገ ሃገራዊ ባህሊ (Soft Power) ዳግም ክንሃንጽ፡ ከምኡ’ውን ካብ ራዕዲ ናጻ ዝኾነ፡ ብግዝኣተ-ሕጊ ዝመሓደር ስርዓት ክንተክል ይጽውዓና ኣሎ። ናጽነት ሙሉእ ዝኸውን፡ ነፍሲ-ወከፍ ኤርትራዊ፡ ንኹሉ ብማዕረ፡ ሰብኣዊ ኽብርን መሰላትን ዝሕሉ ሕግታት ኣብ ዘለዎ፡ ንህዝቡ ተሓታቲ ኣብ ዝኾነ መንግስትን፡ ብሓርነት ክነብር ምስ ዝኽእል፡ ጥራይ ኢዩ ።
ልዑላዊት ኤርትራ ንዘልኣለም ከቢራ ትንበር!
ዝኽርን ክብርን፡ ናጽነት ሃገርና ክዉን ንምግባር፡ በጃ ዝሓለፉ ጀጋኑ ሰማእታት!
ስኒትና.ኮም 24 ግንቦት 2026ነዚ ክቡር ዕለት`ዚን ንዝሓለፈ ረዚን ታሪኽናን፡ ንመጻኢናን ዘንጸባርቑን ዝእንፍቱን፡ ዝተፋላለዩ ዝኽርታት፡ ገምጋማትን ትንታነታትን፡ ካብ ዝተፋላለዩ ምንጪታት እናመረጽና፡ ኣብ ታሕቲ ከነቕርበልኩም ኢና። በብዕለቱ፡ ትሕዝቶ ክውሰኾ ስለዝኾነ፡ ተማላሊስኩም ክትበጽሑዎን፡ ንምህብታሙ ዝሕግዝ ሓበሬታን ለበዋን እንተሎኩም`ውን ኣብዚ ጠዊቕኩም፡ መልእኽቲ ክትሰዱልና ብኣኽብሮት ንሕብር።
ቃል ፕረዚደንት ኢሳይያስ ኣፈወርቂ ኣብ ጽምብል በዓል መበል 35 ዓመት ናጽነት | President Isaias Afwerki speech on May 24, 2026
ERISAT | ቃል ሃገራዊ ባይቶ ኤርትራ ብምኽንያት በዓል ነጻነት፡ ብምኽንያት መዓልቲ ናጽነት 2026
ጽንብል 35 ዓመት ናጽነት ኤርትራ 24 ግንቦት 2026
ዲሞክራስያዊ ዉድብ ብሄረ ብሌን ኤርትራ፣
ጽንብል 35 ዓመት ናጽነት ኤርትራ 24 ግንቦት 2026
ብ1961 ዓም ዝተበገሰ ብረታዊ ቓልስና ብ1991ዓም ኣብ ምዕራፉ ካብ ዝበጽሕ እነሆ 35 ዓመትና ንቆጽር ኣሎና። ብቐዳምነት ነዚ ብርሃን ናጻነት ዘብርሁ ሱዉኣትናን ኣካለ-ሱንኩላናን ንኹለን ዉድባት ኤርትራን ንኩሉ ህዝብናን ዮሃና ንብል። ንሕና ሎሚ ብሂወት ዘሎና፣ ሪህና ካፊኢና ነዞም በጃ ዝሓለፉን ከርፋሕ ናብራ ገድሊ ተጻዊሮም ዝተቓለሱን ኩሉ ግዜ ክዝክሮምን ታሪኾም ክብ ኣቢልና ክንሕዞን ግዴታና’ዩ። ነዚኣ ሂወቶም ዘይበቐቑልና ሰማእታትና ንዘላኣለም ክዕርፉን ክቐስኑን እቲ ካብኦም ዝተረፈ ሓርነት ህዝብና ክነማልኦ ቓል ንኣትወላ ዕለት ትኹነና። ግዜ ብናቱ ስርዓት ዝኸይድ፡ ስለ ዝኾነ 35 ዓመታት ናይ ናጽነት ንቖጽር ኣሎና። ወዲ ሰብ ንተፈጥሮ ልጟም ክገብረሉ ኣይክእልን’ዩ። ግዜ ግን ንኹሉ ማዕረ’ዩ ምስ ግዜ ዝጎዪ እሞ ዝስርሓሉ ብዙሕ ክገብር ይኽእል። ንሕና ነዚ 35 ዓመታት ንሓርነታዊ ቓልሲ ብግቡእዶ ተጠቂምናሉ? ሃገርና ሰላማዊት ክትከዉን ኣብ ናትና ሕልናናን ተወፋይነትን ዉሳኔናን’ያ ትምርኮስ። ሃገርና ሰላማዊት ክትከዉን ኣብ ናትና ድልየትን ንቅሓት’ያ ትምርኮስ። ሓርነታዊ ቓልስና ህዝባዉን ፍትሓዉን ዶ ገርናዮ? ህዝባዉን ፍትሓዉን እንተዘይኮኑ ብፍጹም ኣይዕወትን’ዩ። Read more:
ባህግና Eri-Bahgna Media 24.05.2026: መበል 35 ዓመት ዝኽሪ ናጽነት ኤርትራ፡
ዓቕምኻ ብጻዕርኻ'ዩ ዝረጋገጽ፡ ግጥሚ ንክብሪ መዓልቲ ናጽነት
EWANA: ጋዜጣዊ መግለጺ እዋና፡ ብምኽንያት 2026 መዓልቲ ናጽነት ኤርትራ።
ብምኽንያት መበል 35 ዓመት ጽንብል ናጽነት ኤርትራ ኣብ ዝተዳለወ ሰሚናር:
دعوة بمناسبة الذكرى ٣٥ عام لاستقلال إرتريا
Guest of honour: B/G Tekeste Haile.
ናይ ክብሪ ዕዱም ጋሻ: ብ/ጀነራል ተኸስተ ሃይለ።
ضيف الشرف: العميد تيكيس
PART-1
PART-2
ብተወሳኺ፡ ነቲ ኣብ ዩቱብ ቻነል ዝወጽእ ሓበሬታ፡ ንመትከላት ማሕበራዊ መትከላት ዩቱብ (YouTube Community Guidelines)፡ እናኽበረ የውጽእ። ስኒትና፡ ብዝከኣሎ መጠን፡ ነዚ መትከላት'ዚን ናይ ሃገርና ኤርትራን ህዝባን ክዉንነትን ምርኩስ ገይሩ፡ ኣብ መርበብ ሓበሬታኡ ስኒትና (www.snitna.com) ክውጽእ ዝግብኦ ሓበሬታ እናመመየ ከውጽእ ይህቅንን ይጽዕርን። እዚ ስራሕዚ ምሉእ ዓወት ንክህልዎ ድማ ብዓቢኡ፡ ግቡእ ኣጠቓቕማ ተሳተፍቲን ምትሕብባርን ምስዝህሉ ኢዩ። ስለዚ፡ ነዚ መትከላት ዚ ንምኽባር ንኹሉ ተገልጋላይ'ዚ መርበብዚ ንጽውዕ። ዝኾነ ሃሳዪ ተርእዮታት ምስዘጋጥሙ፡ ቅሬታኹም ወይ ርእይቶኹም ብኢመይል ኣድራሻና ኣቢልኩም ክትልእኩልና ንላቦ። See also Related / ምስዚ ዝተኣሳሰር ሓበሬታ፡-
- Snitna YouTube - ስኒትና ዩቱብ ቻነል።
- Snitna Network and Sinit Seminars Directory. ብ`ስኒትና ከምኡ`ውን ስኒት ዝተኻየዱ ሰሚናራት።
- Snitna FaceBook - ስኒትና ፌስቡክ።
- Sinit YouTube - ስኒት ዩቱብ ቻነል።
- ዘተ ንሓባራዊ ንቕሓት
Dialogue for Common Awareness
مجموعة الحوار للوعي المشترك - ሌላ ምስ
ፖለቲካዊ ሰልፍታትን ህዝባዊ ምንቅስቓሳትን ኤርትራ፡
Eritrean Political parties and Civic movements.s
مقدمة في الأحزاب السياسية والحركات المدنية الإريترية - BUILDING DEMOCRACY IN ERITREA - ህንጸት ዲሞክራሲ ኣብ ኤርትራ بناء الديمقراطية في إريتريا
- ሕግን ሕብረተሰብን - Law and Society.
- ኣስተምህሮ፡ መስርሕ ምንዳፍ ቅዋም ኤርትራ - The Eritrean Constitution Making Process
Seminar by Dr Bereket Habte selassie. ኣስተምህሮ፡ ብ`ዶር. በረኸት ሃብተስላሰ። - ሲምፖዝዩም ኤርትራ (Eri-Platform: 2018 - 2020)
- ዋዕላ ህንጸት ዲሞክራሲ ኣብ ኤርትራ Building Democracy in Eritrea Conference (Eritrea Focus: 2019 - 2020)
- Enough is enough! ይኣክል ምልኪ! ማዕበል ድምጺ ህዝቢ لقد طفح الكيل
- 1993, Eritrean independence referendum Results
ታሪኻዊ ውጽኢት ረፈረንዱም ኤርትራ 1993. - ሃገራዊ ቻርተር ኤርትራ - ኣብ 3ይ ጉባኤ ህ.ግ.ሓ.ኤ: ዝጸደቐ (ናቕፋ 10 - 16 ለካቲት 1994)።
- PFDJ NATIONAL CHARTER Adopted by the 3rd Congress of the EPLF/PFDJ Naqfa, February 10-16, 1994.
- ንዝኽሪ ግዳያት ዲክታቶሪያዊ ምሕደራ ኤርትራ። In memory of Victims of Dictatorial Administration in Eritrea.
- G-15:- ቅልዕቲ ወረቐት ናብ ህዝቢ ኤርትራ፡ ኣገደስቲ እዋናውያን ጉዳያት፡ (ኣስመራ፡ ነሓሰ 3፡ 2001)
- G-15:-Open Letter To The People of Eritrea (Asmara, August 3, 2001)
- G-15:-ቅሉዕ መልእኽቲ ናብ ኩሎም ኣባላት ህግደፍ
- G-15:-Open Letter to All PFDJ Members (Audio) ቅሉዕ መልእኽቲ ናብ ኩሎም ኣባላት ህግደፍ (ብድምጺ)
- G-15:-Open Letter to All PFDJ Members
- GI: ህጹጽ ጻውዒት ንኹሎም ኣብ መላእ ኵርናዓት ዓለም ዝርከቡ ኤርትራውያን። An Urgent Call to All Eritreans Worldwide. المبادرة العالمية لتمكين الحركة الشعبية الاريترية
- ድምጽና (Our Voice)
- መደብ ንጋባእ ENGAGE ERITREA!
- Advice for All Eritreans ምኽሪ ንኹሎም ኤርትራውያን
- UN Human Rights Council - Human Rights in Eritrea (Website) / ናይ ውሕሃ ቤትምኽሪ ሰብኣዊ መሰላት - ኩነታት ሰብኣዊ መሰላት ኣብ ኤርትራ፡ (Website)
- UN Human Rights Council - Human Rights in Eritrea (YouTube) / ናይ ውሕሃ ቤትምኽሪ ሰብኣዊ መሰላት - ኩነታት ሰብኣዊ መሰላት ኣብ ኤርትራ፡ (YouTube)
- Human Rights in Eritrea / ኩነታት ሰብኣዊ መሰላት ኣብ ኤርትራ፡
- UN - Commission of inquiry on Eritrea / ናይ ውሕሃ መርማሪት ኮሚሽን ሰብኣዊ መሰላት ኤርትራ፡
- Mike Smith / ሚስተር ማይክ ስሚዝ፡ ኣቦ ወንበር መርማሪት ኮሚሽን ሰብኣዊ መሰላት ኤርትራ፡
- Also see: "UN - COI on Eritrea / ናይ ውሕሃ መርማሪት ኮሚሽን ሰብኣዊ መሰላት ኤርትራ፡
- UN COMMISSION OF INQUIRY ERITREA (COI-ERITREA) And POPULAR RESPONSES
- ጸብጻብ መርማሪት ኮሚሽን ሰብኣዊ መሰላት ኤርትራ፡ ህዝባዊ ግብረ-መልሲን
- ጸብጻብ መርማሪት ኮምሽን ኵነታት ሰብኣዊ መሰላት ኣብ ኤርትራ – ዘይወግዓዊ ትርጉም (ብትግርኛ)